
2345.webp)
Guri buruz

Jatorriz familia-enpresa bat gara eta sustraiak 1925ean ditugu, Donostian. Gaur, sorreratik izan dugun jarrera inkonformistan oinarrituz eta gure ondarea esportatzeko ilusioz, gozamena berrinterpretatzen dugu, ezinbesteko premiatzat hartuta. Eta gure erara egiten dugu, xehetasun bakoitzari erreparatuz, zerbitzu bikaina emanez eta etorkizunari begira aurrera eginez.
567.webp)
Donostia gara
Donostia izatea gure ondarea gure etorkizunarekin lotzeko modua da. Gure sustraiak, izaera eta gauzak egiteko gure (#DonostiaStyle) modua gure proiektuetako bakoitzera eramatea. Donostia izatea aitzindaria, ausarta izaten jarraitzea da, eta etortzear dagoenera buru argiz egokitzeko gai izatea. Donostia izatea gure hasierako familia ikuspegia eta konpromisoa ez galtzea da.

Adeitasuna gara
Adeitasuna izatea zera da: zerbitzua bikaintasunean oinarrituz lantzea, beti ahogozo ona uzteko. Izan ere, egitea, egite hutsa, ez da nahikoa guretzat, hobeto egin badezakegu. Taldeko pertsona bakoitza, erabaki arrunt edo estrategiko bakoitzean, bikaintasunaren kulturan oinarritzen da. Gure helburua hauxe da: zerbitzurik onena ematea, baita gugandik espero dena baino hobea ere, traturik onena emanda eta begirunerik handienarekin.
567.webp)
Gozamena gara
Gozamena izatea hauxe da: gure bezeroak zoriontsu izateko espazioak eta uneak eskainiko ditugun ziurtasuna izatea. Afari berezi bat, atseden-gau bikain bat edo film hunkigarri bat izan nahi dugu. Ondo pasatzea, zirrara sentitzea eta oroitzapen onak izatea eragingo duten testuinguruak eta uneak sortu nahi ditugu. Aisialdia gozamena delako eta denok merezi dugulako gozatzea.

Etorkizuna gara
Etorkizuna izatea gizartearekin batera eboluzionatu eta hazten jarraitzea da. Kultura gure esentzia izan zelako eta delako, aldatzeko ausardia izan dugulako eta gure publikoari bere gustuak ulertuz lagun egiten jakin dugulako.
Eraginkortasunez kudeatzen dugu, emaitza ezin hobeak lortzeko
Sadeko kideok gozamenari garrantzi handia ematen diogu. Horregatik, egunero, negozio hau handitzeko eta errentagarria izateko ahalegina egiten dugu. Eta zenbakiak lagun ditugu.

200 langile
Enplegua sortzen dugu

% 94ko gogobetetzea
Ia gure bezero guztiak gogobeteta edo oso gogobeteta sentitzen dira

% 35,8ko kuota Gipuzkoan
Probintziako ikusleen herenak baino gehiagok aukeratu gintuzten 2024an
< 1925
1925
1925-1970
1980-2005
2009
2018
2026
-1925
Aurrekariak
Kulturarekin eta aisialdiarekin dugun konpromisoa aspaldikoa da. Miramar antzokia (1913), Bellas Artes jauregia (1914), Príncipe antzokia (1922) eta Trueba antzokia (1923) izan ziren familia sortzaileek sozietatea eratzeko oinarria.

1925
Sozietatearen jaiotza
Sade (Kirol eta Ikuskizunen Sozietate Anonimoa) 1925eko abenduaren 28an sortu zen, Vicente Mendizábal e hijos enpresak Príncipe Films enpresarekin bat egitearen ondorioz. Lehenengoak bere zinemak jarri zituen; bigarrenak, berriz, bere zinemak eta frontoiak (Donostia, Bilbo, Madril eta Zaragoza).

1925
-1970
Lehenengo hamarkadak
Eratu zenetik, Sade Donostiako zinema-bizitzaren protagonista izan da eta gaur egun hiriko zinema-aretoen enpresa bakarra da. Urteek aurrera egin ahala, hainbat zinema barne hartu ditu enpresak, hala nola Miramar, Príncipe, Petit Casino, Trueba, Bellas Artes eta Astoria. Hortaz, 6.000 besaulki baino gehiago biltzera iritsi da

1980
-2005
Zinemaren
negozioaren zabalkundea
1981ean, hiriko areto askoko lehen zinema jaio zen: Petit Casino. Hiru areto zituen. Horren atzetik, Astoria zaharberritu zen eta 7 areto eskaintzera pasatu zen. Gero Cines Madrid eta Príncipe etorri ziren, 1990eko hamarkadan; 2005ean, berriz, Antiguo Berri. Eskaintza osatu zuen azkena 7 infantes izan zen, 2012an.
5555.webp)
2009
Zinema7 Hotela
2009ko apirilaren 1ean, Zinema7 hotela inauguratu zen (garai hartan Astoria 7 deitu zen, Astoria zinemaren omenez), Saderen lehenengo hotela. Hotel berezia eta berritzailea zen, zinemaren munduari eskainia eta, zehazki, Donostia Zinemaldiari.

2018
Lasala Plaza Hotela
2018ko udan, Lasala Plaza hotela eta Jarana taberna iritsi ziren. Luxuzko hotela da, Donostiako itsas tradizioaren eta kulturaren omenez egina, kaiaren aurreko hiriko eraikin historiko bat berreskuratuz. Eta, laster, hiriko erreferentzietako bat bilakatu zen.

2026
Bellas Artes jauregi-hotela
Bellas Artes jauregi entzutetsua hirira irekitako ostatu, merkataritza eta aisialdi proposamen berri bat izango da. Zinema enblematiko hau zaharberritu dugu, XXI. mendera eramateko. 2026an irekitzekoa da, Curio Collection by Hilton itzal handikoaren eskutik.
